ingin sukses perbaiki dahulu fikiranmu

MalesBanged awal 2014 - ingin sukses perbaiki dahulu fikiranmu

Kalau sanak ingin manjadi urang nan sukses, disukoi jo banyak urang, talabiah dahulu dunsanak harus mamperbaiki apo nan ado didalam banak dunsanak yaitu utak a.k.a fikiran sanak. Soalnyo aposajo nan kalua dari muluik sanak itu asal muasalnyo adolah gambaran dari apo nan sadang sanak fikiaan dan nantinyo buah dari ucapan sanak tu adolah perbuatan yang sanak karajoan satiok harinyo.

Jadi caritonyo sangkuik manyangkuik ko mah, patamo dari fikiran hasilnyo ucapan dan dari ucapan iko lahia pulo lah perbuatan dunsanak kasadonyo, indak salasai sampai disiko do sanak, masih ado kalanjutannyo. Dari perbuatan sanak tu terciptalah kebiasaan.

Kalau alah tabiaso mako lahialah nan namonyo sifaik dek lamo lamo takarajoan mako sifaik ko manjadi surang se nyo, indak bisa pulo diilak an lai. dan dari sifaik ko pulo lah lahianyo sebuah karakter, dan paralu dunsanak ketahui bahwasanyo karakter iko kecek urang agak payah maubahnyo dikaranokan alah mandarah dagiang kecek urang, jan sampai salah cetak karakter sanak ko. buayo tu mah ndak babahayo lai do.. 

Makonyo paralu bana manjago yang namonyo fikiran ko, soalnyo asa kasado karakter urang ko memang dari fikirannyo sanak, mulai dari kini ko juo marilah samo samo kito baniaik untuk manjago fikiran kito supayo tetap positif tetap elok andaknyo, kini baa caronyo??

Menurut hemat ambo dunsanak kasadonyo, caro marubah atau manjadian fikiran kito ko rancak alias elok ambo sarankan supayo mulai dari kini dunsanak pasang dulu niaik dihati dunsanak nan paliang dalam " den kamanjadi urang elok lai nyo , den kamanjadi urang nan punyo fikiran nan positif lai nyo, den katobaik lai, salamaik tingga nan jaek jaek, salamaik tingga nan buruak buruak, den pindah ka nan elok lai, den ndak kabaliak lai, bye bye". hahaha.. ndak sarupo bana niat nyo ndak baa pulo do sanak. namonyo sajo Ambo..

Ado tips untuk sanak nan taragak sukses dalam iduik ko:

1. Carilah pergaulan nan rancak, contohnyo samo alim ulama, urang nan rajin sholat, urang nan dipacayo, urang nan elok tingkah lakunyo, urang nan salalu maajak ka nan baiak. ado pepatah sanak, urang nan acok bakawan jo tukang parfum jarang nan babaun busuak nyo.hahaha.. makonyo cari kawan nan elok, bia elok pulo dunsanak tu..
2. Mulai lah barusaho jo nan luruih alias indak ado kicuah kicuah didalamnyo do, kok manggaleh jan diubah ubah timbangan, kok kajadi pegawai jan namuah makan gaji buto, kok ka jadi sopir jan lupo sholat, pokoknyo iduik nan luruih luruih selah lai
3. Rajin rajinlah dunsanak basidakah, walau saketek jumlahnyo, bara talok se.. nan penting ikhlas, agak saratuih gai saminggu kok dapek sajuta saminggu mah.. ikhlas itu nan paralu
4. Sholat jan tingga tingga juo lai, alah cukuik salamoko balubang balubang wakatu mambayia utang ko, yo sabana gadang dosonyo maninggaan sholat tu sanak, kalau sanak tau indak mungkin rasonyo santai sajo sanak maninggan sholat tu do.
5. Rajin rajin lah sanak minta ampun samo nan kuaso.jan lupo hanyo kapado Allah sajo dunsanak maminta ampun untuak sagalo doso salamoko, Allah itu maha mandanga jo maha mengetahui sanak. seperti nan lah tasabuik didalam Alquran

Katakanlah: "Mengapa kamu menyembah selain daripada Allah, sesuatu yang tidak dapat memberi mudharat kepadamu dan tidak (pula) memberi manfaat?" Dan Allah-lah Yang Maha Mendengar lagi Maha Mengetahui.   (Al-Quran surat Al-maidah ayat 76)

Sagitu dulu sanak, lah masuk pulo wakatu maghrib a.. bilo bilo wak sambuang baliak , Oiyo, sia nan kiniko sadang batuak iko ado resep ubek batuak nan paliang ampuah ha..

Ubek batuak paliang ampuh sedunia, indak pakai lamo do, caro tradisional

MalesBanged | 2014