cara mengobati batuk dengan cepat secara tradisional

MalesBanged,awal 2014 - cara mengobati batuk dengan cepat secara tradisional

Caro maubek panyakik batuak sacaro tradisional a.k.a indak paralu minum ubek gai do, langsuang beres indak paralu pai ka apotik do, cukuik jo racikan biaso dari blog iko. patuik dicubo sanak, kalau indak juo sanang panyakik batuak sanak silahkan hubungi dokter nan dakek, soalnyo mungkin batuak sanak nan alah parah tu mah.. ndak talok jo nan tradisional lai. alah mada kelas nyo tu sanak.

dari pado panjang bacarito marilah kito langsuang sajo ka ramuan tradisional nan tadi alah ambo kecek an tu sanak, langsuang ka te ka pe nah :

Langkah patamo
Sanak pai kadapua, jan ka dapua tetangga pulo sanak pai, tu maliaaaang tu mah.. hahaha.. sasudah itu sanak cari jeruk nipis ciek, garam saujuang kuku jo kecap agak sasendok teh.

Langkah kaduo
Sanak peras jeruk tu sampai kalua aia e, sanak campuaan lah aia tadi jo garam plus kecap nan alah sanak ambiak didapua tadi..aduak sampai rato..

Langkah katigo
Sanak baco Bismillaahirrahmaanirrahiim.. sanak minum ubek tu 2 kali sahari sasudah makan dih..

picayo ndak picayo dengan izin Allah panyakik batuak sanak akan hilang dalam duo hari, ko indak ado garansinyo do sanak a, emangnyo sanak sadang mambali HP, pakai garansi gai.. tapi cubo se lah di sanak..

Tips: 

Ubek nan di ateh tu cocok bana untuak batuak nan badahak, kalau ntuak batuak nan indak badahak indak usah ditambah jo garam, jadi cukuik kecap samo jeruk nipih se nan di minum sanak.

Semoga dunsanak kasadonyo sehat dari batuak dan say no to Batuk hahaha..